InicioCentralBurelaBurela organiza actividades dentro do programa de atención a inmigrantes de cara...

Burela organiza actividades dentro do programa de atención a inmigrantes de cara a unha mellor integración

A concelleira de Inmigración, Noelia Mª Ben, explicou que “se trata dun curso para preparar a proba de coñecementos constitucionais e socioculturais de España para a consecución da nacionalidade española".

Publicada o

- Advertisement -

O programa de atención a inmigrantes da Concellería de Inmigración, Cooperación e Integración de Burela está a organizar varias accións formativas para axudar a alcanzar un bo grado de integración ás persoas estranxeiras. Están financiadas pola Consellería de Política Social da Xunta de Galicia e polo Fondo Social Europeo.

A concelleira de Inmigración, Noelia Mª Ben, explicou que “se trata dun curso para preparar a proba de coñecementos constitucionais e socioculturais de España para a consecución da nacionalidade española. A temática deste curso é coñecer o Goberno, a lexislación e a participación cidadá, os dereitos e deberes fundamentais e a organización territorial e xeografía física e política de España, ademais de coñecer a cultura, a historia e a sociedade española. Con esta formación trátase de axudar a preparar a mencionada proba esixible para a obtención da nacionalidade española. Este curso terá unha duración de 50 horas”.

A edil burelesa indicou que “organizamos tamén un curso de Habilidades Dixitais Básicas, cunha duración de 20 horas, dirixido principalmente para ir coñecendo o uso das novas tecnoloxías e ir perdendo o medo a realizar accións tan necesarias na actualidade para poder dirixirse a distintas institucións ou entidades e poder realizar diversos trámites do día a día, cuestións coas que moitas veces non se están moi familiarizados”.

As persoas interesadas en obter máis información sobre estes cursos poden dirixirse á Casa do Concello ou chamando por teléfono aos seguintes números: 982 58 60 00 / 982 58 06 09.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...