O 28 de maio terá lugar en Burela unha nova edición do mercado popular solidario, que organiza a Delegación de Cultura. A inscrición para participar está aberta. O concelleiro José Díaz explicou que “abrimos as inscricións para o mercado popular solidario que vai celebrarse aquí, en Burela, o día 28 de maio entre as 10 e as 14 horas na Praza da Mariña”.

O edil de Cultura dixo: “o mecanismo é o de sempre: levar un quilo de produtos para doar ao Banco de Alimentos do Concello. Venderanse diversos obxectos a prezos alcanzables e para inscribirse hai que chamar ao teléfono da Casa da Xuventude de Burela, que é o 982 58 11 41, ou ao 608 158 170, co que tamén se pode contactar por whatsapp e enviando o nome completo e o número de teléfono xa quedan rexistrados para o mercado”.