A Organización de Produtores Pesqueiros do Porto de Burela e a Asociación Amigos do Camiño do Mar Peregrinación a Santiago de Compostela, convocan aos medios de comunicación á presentación oficial dunha nova edición do “Camiño Gastronómico do Mar”.

O acto terá lugar no Salón de Actos de Armadores de Burela este sábado 7 de outubro ás 11:00h e estará presidido polo Conselleiro do Mar da Xunta de Galicia, Alfonso Villares.

Esta acción está cofinanciada por Xunta de Galicia e FEMPA, incluída no plan de produción e comercialización anual da OPP-7 Porto de Burela co obxectivo de contribuír á rastrexabilidade dos produtos da pesca e ao acceso dos consumidores a información clara e completa.