O Naseiro converte Viveiro no epicentro da festa esta fin de semana na Mariña. A Romaxe do Bo Xantar despide de forma oficiosa o mes de agosto con comida e música á beira do Landro.
Noutros puntos da comarca, o San Bartolo é o pretexto para a festa.
BARREIROS
Unha das máis sonadas celébrase en Barreiros. As celebracións arrincaron o xoves pero sábado é o día grande. A partir das 13.00 horas serán a misa e maila procesión, seguidas da sesión vermú. A verbena noctura amenizarana as orquestras Ceniza e Tokio.
XOVE
En Xove, celébrase a tradicional Feria de San Bartolo de San Isidoro do Monte. O gando cabalar e vacuno locirá nos certames do evento, organizado pola comunidade de veciños Costa de Laxamoura en Penas Agudas.
FOZ
A Feira do Libro de Foz, decana da Mariña Lucense e a terceira máis antiga de Galicia enche a Praza do Conde Fontao tamén durante a fin de semana, con obras que se len e se escoitan.
O sábado ás 18.00 horas, Magín Blanco fará a presentación do libro disco “A nena e o grilo, máis aló”. Ás 20.15, Fernando Redondo Neira presentará ‘Os amorodos de Bergman’, premio Ramón Piñeiro de ensaio. Podes consultar o programa completo aquí.
O domingo, ás 17.00 horas, o músico e titiriteiro Luis Vallecillo presentará o audiolibro “Cantamos?”.
Ademais, Foz é esta fin de semana escenario de referencia da música clásica co inicio do Festival Bal y Gay.
O grupo de música barroca El Afecto Ilustrado inaugura o ciclo o sábado cun concerto na iglesia de Santiago ás 21.00 horas.
O domingo, será a quenda da pianista asturiana Noelia Rodiles que actuará no pazo de Fontao ás 21.00 horas.
Tampouco faltará o deporte, a ría de Foz acolle o domingo a 57 edición da súa Travesía Náutica, que aspira a reunir a arredor de 400 piragüistas de distintos clubs galegos e asturianos.
BURELA
O Burela FS masculino fai a súa posta de longo este fin de semana no Torneo de fútbol sala Burela Bonita no que ademais dos laranxas, de volta á Primeira División, competirán Parrulo e Palma. Ademais da competición senior, celebrarase un triangular xuvenil.
RIBADEO
Ribadeo volve o sábado aos anos sesenta e setenta cun guateque organizado pola comisión do Entroido, que anima a acudir ao parque de San Francisco caracterizado para a ocasión. Ademais de música, haberá comida e bebida.
O domingo, o grupo I Colori dell´armonia ofrecerá un concerto de música antiga na igrexa parroquial ás 20.45 horas.
Ademais, nas Anzas, en Covelas, celebran a tradicional Festa da Malla.
