A Consellería de Emprego e Igualdade informou aos concellos da resolución da orde de axudas que permitirá contratar a socorristas para traballar nos meses de xullo e agosto en 36 municipios lucenses.

O delegado territorial da Xunta en Lugo, Javier Arias, explicou que a administración galega colabora coas entidades locais da provincia achegando 315.200 euros para a contratación destes profesionais que teñen encomendadas tarefas de vixilancia en praias e piscinas. Con todo, son os concellos os que que teñen a competencia para realizar directamente os contratos.

En canto á repartición por municipios, na comarca da Mariña a Xunta destina 190.400 euros para contratar 60 socorristas. Deste xeito, Barreiros, Burela, Cervo, Foz, Ribadeo, O Vicedo, Viveiro e Xove terán seis cada un, mentres que Lourenzá, Mondoñedo, Ourol, A Pontenova, Riotorto e Trabada contarán con dous.

A Xunta destaca que, coa axuda que permite aos concellos contratar persoal para a vixilancia das praias, “ofrécese tamén ás persoas desempregadas a oportunidade de adquirir unha experiencia laboral que redunda na mellora da súa empleabilidad e que facilita a súa futura inserción no mercado de traballo”.