InicioEconomíaA lonxa de Burela, un exemplo de modernidade e de tradición á...

A lonxa de Burela, un exemplo de modernidade e de tradición á hora de cantar os prezos dos peixes

A Xunta destaca que conta cun sistema de adxudicación de poxas dos "máis modernos do mundo".

Publicada o

- Advertisement -

A conselleira do Mar, Rosa Quintana, visitou este mércores a lonxa de Armadores de Burela onde constatou que este centro de poxas conta cun dos sistemas de venda máis avanzados e modernos do mundo pois é totalmente dixital pero mantén a base tradicional de cantar os prezos a viva voz. Para a adxudicación das distintas especies as cotizacións son cantadas por un ordenador e os compradores mercan pulsando simplemente o botón dun mando que cada un deles ten preasignado.

A titular de Mar lembrou a importancia de que o sector aposte de xeito constante pola innovación con actuacións coma esta, que contou cunha axuda da Xunta de Galicia cofinanciada co Fondo Europeo Marítimo e de Pesca de máis de 160.000 euros a través dun proxecto presentado polo grupo de acción local do sector pesqueiro (GALP) A Mariña-Ortegal na convocatoria de achegas de 2021. Ademais, sinalou, “trátase dunha mellora que permite a adxudicación dos lotes de forma automática cando así o sinalan os compradores, permitindo unha trazabilidade e disposición de datos contables instantáneas”.

Este sistema, que se instalou en probas a comezos de xuño, permite dixitalizar totalmente a poxa das capturas que chegan a esta lonxa, a segunda máis importante de Galicia en canto a facturación. Trátase dun avance importante tendo en conta tamén que Burela é un dos referentes na comercialización de especies como a pescada do pincho ou o bonito do norte, produtos moi demandados en toda España pola súa calidade ao ser capturados con artes de pesca moi selectivas.

A representante do Executivo galego animou aos representantes da lonxa de Burela (Armadores de Burela SA, ABSA) e do conxunto do sector a seguir apostando por este tipo de melloras que, dixo, “contribúen a optimizar o labor dos profesionais do mar e a impulsar a competitividade dos portos, que son fonte de emprego e riqueza na súa contorna”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...