InicioCentralBurelaIrlanda apresa o pesqueiro Valle Fraga, con base no porto de Burela,...

Irlanda apresa o pesqueiro Valle Fraga, con base no porto de Burela, por infrinxir as normativas do país

É o terceiro pesqueiro galego apresado polas autoridades irlandesas no que vai de ano.

Publicada o

- Advertisement -

O pesqueiro galego Valle Fraga atópase retido nun porto de Irlanda tras ser apresado polas autoridades irlandesas na xornada do venres acusado de infrinxir as normativas pesqueiras do país. O palangreiro Valle Fraga, con base no porto de Burela, convértese así no terceiro barco galego apresado polas autoridades irlandesas no que vai de ano.

O pesqueiro atópase retido desde o venres no porto de Castletownbere, ao suroeste do país irlandés, despois de ser detido polo buque William Butler Yeats da Armada irlandesa.

A Irish Naval Service informa as súas redes sociais que a detención se produciu por “infrinxir” as normas de pesca. No mesmo mensaxe, publicado en Twitter e Facebook, sinala que é o sétimo barco de pesca detido polo William Butler Yeats en 2021.

Tres deste sete detencións estiveron protagonizadas por barcos galegos. O Valle Fraga convértese así no terceiro pesqueiro galego detido en Irlanda no que vai de ano despois do Punta Candieira, con base en Viveiro, e a Punta Vixía, de bandeira francesa pero armadores de Vigo.

O primeiro foi detido polo mesmo buque que apresou o Valle Fraga e permaneceu retido no porto de Cork durante 14 días. Tripulación e barco foron liberados a mediados de xuño despois de que a empresa armadora abonase unha fianza de 140.000 euros.

Dous meses, a mediados deste mes de agosto, o arrastreiro vigués ‘Punta Vixía’ (de bandeira francesa) foi arrestado tamén polo William Butler Iates. O buque regresou ao Gran Sol o pasado 25 de agosto previo pago dunha finaza de algo máis de 100.000 euros.

En ambos os casos, como sucede agora coa detención do palangreiro burelense, as autoridades irlandesas atribuíron a infraccións das normativas pesqueiras os arrestos destes buques.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...