InicioCentralBurelaBurela prepara o Domingo sen Coches dentro da Semana Europea da Mobilidade

Burela prepara o Domingo sen Coches dentro da Semana Europea da Mobilidade

Entre as oito da mañá e as oito da tarde estarán cortadas ao tráfico varias rúas: Pardo Bazán, entre as interseccións de Eijo Garay e Lamestra; Eijo Garay, entre Rosalía de Casto e Pardo Bazán; e Curros Enríquez á altura da rúa Castelao.

Publicada o

- Advertisement -

As actividades da Semana Europea da Mobilidade continúan este venres coa instalación na Praza do Concello do stand Punto Limpo e pola tarde na Praza da Mariña haberá un ensaio de ximnasia rítmica aberto ao público.

O sábado está programada unha ruta xeolóxica pola Marosa e obradoiros de marcapáxinas, pintacaras e tattoos na Praza da Mariña, así como unha exhibición de baile de salón no auditorio da Casa da Cultura pola tarde.

O domingo será o día sen coches. Entre as oito da mañá e as oito da tarde estarán cortadas ao tráfico varias rúas: Pardo Bazán, entre as interseccións de Eijo Garay e Lamestra; Eijo Garay, entre Rosalía de Casto e Pardo Bazán; e Curros Enríquez á altura da rúa Castelao. Neses vieiros haberá xogos deportivos ao aire libre, xadrez na rúa e taller de cociña infantil. E na Praza da Mariña estarán instaladas mesas informativas das diferentes asociacións do pobo e haberá un taller de chapas, entre outras actividades.

O programa da Semana Europea da Mobilidade seguirá ata o vindeiro mércores, 22 de setembro. O Concello tamén lembra que ata o domingo funciona o servizo de préstamo de bicicletas eléctricas na Praza do Concello en horario de 10 a 13 horas e de 17 a 20 horas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...