InicioCentralBurelaAs obras na rúa Rio Cobo de Burela rematarán en breve, segundo...

As obras na rúa Rio Cobo de Burela rematarán en breve, segundo o Concello

Publicada o

- Advertisement -

As obras na rúa Río Cobo, en Vila do Medio, Burela, estraron xa na fase final. O orzamento ascendeu a 70.000 euros e para o concelleiro de Obras, Ramiro Fernández Rey, trátase duns traballos moi necesarios debido ás roturas que se producían na rede de abastecemento de auga. Para supervisar a conclusión da obra, o edil e o alcalde, Alfredo Llano, desprazáronse ata a zona onde aproveitaron para falar coas veciñas e cos veciños.

O edil de Obras contou que “estivemos supervisando o remate dunha obra importante e moi necesaria que se fixo na rúa Río Cobo, na Vila do Medio”.

Ramiro Fernández explicou que “tíñamos unha serie de problemas de traída da auga naquela zona con moitísimas roturas na rede e ademais aproveitamos para solucionar xa o tema da traída”. Tamén se mellorou o saneamento ademais de facer o separativo de pluviais e residuais. Por último, engadiuse unha capa de aglomerado en quente á rúa que mellora o seu tránsito.

Fernández engadiu tamén que “estivemos falando cos veciños e están contentos coa obra. Hoxe están cos últimos retoques e espero que non haxa ningún tipo de problema unha vez finalizado o traballo que era moi necesario”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...