InicioCentralBurelaConcello de Burela e Expomar organizan unha campaña de recollida de xoguetes...

Concello de Burela e Expomar organizan unha campaña de recollida de xoguetes e roupa para nenos e nenas de Cabo Verde

As xentes de Burela amosan deste xeito a súa solidaridade coa sociedade de Cabo Verde, perfectamente integrada na vida da localidade mariñá desde hai décadas.

Publicada o

- Advertisement -

A Fundación Expomar e a Delegación de Inmigración, Cooperación e Integración do Concello de Burela veñen de lanzar unha campaña de recollida de xoguetes e roupa para enviar aos nenos e nenas de Cabo Verde.

As xentes de Burela amosan deste xeito a súa solidaridade coa sociedade de Cabo Verde, perfectamente integrada na vida da localidade mariñá desde hai décadas.

Colaboran nesta campaña os diferentes centros educativos de Burela, onde se poden entregar a roupa e os xoguetes dirixidos aos nenos e nenas caboverdianas ata o vindeiro 1 de decembro. O material tamén se pode entregar na Delegación de Inmigración, Cooperación e Integración do Concello de Burela ou nas oficinas da Fundación Expomar, na Praza da Mariña.

E tamén son peza fundamental nesta iniciativa os armadores bureleses de palangre de superficie que faenan nos caladeiros atlánticos das augas de Cabo Verde, pois ofrecen os colectores dos seus buques para facer chegar directamente o material recadado ata o Porto de Mindelo, na Illa de Sao Vicente. Este envío directo é o que fai posible que se leve a cabo esta campaña, pois simplifica os trámites e sobre todo os tempos de entrega nun momento de colapso do tráfico mundial de mercadorías.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...