O Boletín Oficial da Provincial publica hoxe as bases para a contratación como persoal laboral non permanente dun oficial de primeira albanel para a Área de Obras do Concello de Burela, ao abeiro do programa Fomento de Emprego do Plan Único da Deputación de Lugo.
A duración do contrato será de 6 meses. O sistema de selección será o de concurso-oposición. O prazo de presentación de documentación será de cinco días naturais contados a partir de mañá, 18 de decembro. As bases da convocatoria atópanse colgadas no Taboleiro de Anuncios da web do Concello de Burela.
PASARRÚAS MUSICAL
A agrupación musical Dambara, de Burela, animará mañá, sábado, as rúas da vila dentro da programación de Nadal do Concello. O concelleiro de Cultura, José Díaz, dixo quese busca animar a mañá do sábado desde o Campón até o centro de Burela. Engadiu que outros anos tamén se fan estes pasarrúas.
O edil agradeceu desde o Concello e da Delegación de Cultura toda a implicación da agrupación musical pola súá involucración sempre en todos os eventos. José Díaz engadiu que a poboación de Burela teña precaución e respecten o horario do pasarrúas que será de cinco da tarde a nove da noite.
