A Aula Gaia de Burela celebrou este 21 de marzo o Día da Árbore organizando un xogo con pistas denominado ¿Que árbore é? na que os participantes tiñan que adiviñar de que especie lle estaban a dar pistas.

Participaron os dous CEIPS de Burela, a Fundación Eu Son e a asociación de Axuda ao Enfermo Mental A Mariña, “e con todos eles plantamos hoxe diferentes árbores ou plantas. Tamén plantamos nas dúas Escolas Infantís de Burela. As especies plantadas foron: maceiras, limoeiro, roseiras e lavandas”, explicaron desde a Concellería de Medio Ambiente.

Xunto ás monitoras de Gaia e aos rapaces e rapazas estivo a concelleira de Medio Ambiente, Toñi Eijo.