Os representantes da xunta directiva da Asociación de Comerciantes, Industriais e Autónomos de Burela celebraron o pasado 14 pola noite unha reunión con integrantes do B.N.G. na Corporación Municipal.

Durante a xuntanza, que se celebrou no local de ACIA Burela, trasladáronse ao BNG as necesidades, peticións e propostas do noso colectivo de fronte ao futuro co obxecto de que o seu grupo municipal se faga eco delas.

Os temas máis importantes que expostos foron os mesmos da reunión co PP municipal e que son a necesidade dunha maior limpeza da contorna e das beirarrúas; a conxelación da suba de taxas municipais para o comercio e industria local; a bonificación do IBI; e o traslado do mercado semanal ao seu anterior emprazamento.

CONTINUACIÓN COA RONDA DE REUNIÓNS

A reunión do pasado xoves enmárcouse dentro da serie de entrevistas cos tres partidos que teñen representación municipal e que en próximas datas rematarán cunha reunión co grupo Municipal Socialista.

ACIA Burela quere profundizar nunha liña de diálogo e comunicación fluída “co ánimo de traballar en conxunto e con boa sintonía de cara artellar as mellores e máis consensuadas solucións para a industria e o pequeno e mediano comercio do noso municipio“. Desde a Asociación ven que é imprescindible a celebración dun Pleno Municipal de carácter monográfico para abordar todos estes asuntos.