InicioCentralBurelaNenos e nenas aprenden a reciclar con material de refugallo no CEIP...

Nenos e nenas aprenden a reciclar con material de refugallo no CEIP Virxe do Carme de Burela

As sesións comezaron este mércores e finalizarán mañá, cun total de tres obradoiros no que o alumnado fixo estes dinosaurios, en cada aula distintos, para complementar e ambientar os espazos do centro de ensino cun doble obxectivo, fomentar a creatividade e inculcar valores de aproveitamento e reciclaxe dos materiais que non se van empregar máis.

Publicada o

- Advertisement -

As monitoras da aula Gaia dependente da delegación de Medio ambiente do Concello de Burela están a realizar visitas ao Ceip Virxe do Carme nesta semana con motivo do Día Mundial da Reciclaxe, que se celebra o 17 de maio, para poñer en práctica obradoiros de manualidades con materiais de refugallo.

Aproveitando a temática da decoración do colexio, “Escola xurásica”, os pequenos e pequenas elaboraron con rollos de papel hixiénico e pinturas unha figura con forma de dinosaurio.

As sesións comezaron este mércores e finalizarán mañá, cun total de tres obradoiros no que o alumnado fixo estes dinosaurios, en cada aula distintos, para complementar e ambientar os espazos do centro de ensino cun doble obxectivo, fomentar a creatividade e inculcar valores de aproveitamento e reciclaxe dos materiais que non se van empregar máis.

As monitoras de Gaia foron compartindo coas nenas e nenos conceptos importantes ao longo destes obradoiros de manualidades, tratando de que integren nos seus hábitos a reutilización dos recursos dun xeito divertido e dinámico, e que estas nocións lles podan dar ideas para empregar con outros materiais ou obxectos.

Esta actividade enmárcase dentro da programación Gaia para o curso lectivo 2021-2022, con multitude de propostas aos centros educativos tendo como fundamento a educación medioambiental.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...