O programa ‘Fai clic ao teu bocata’ dá a coñecer aos nenos e nenas de Burela os produtos do mar en conserva

A Ocioteca de Verán foi o espazo onde os pequenos participaron do programa, recibindo unha pequena explicación sobre a importancia de consumir peixe e produtos do mar como mínimo unhas 3 ou 4 veces por semana. Nesa primeira parte explicativa púxose de relevo a alimentación sana e equilibrada, conxugando a teoría con varios xogos para integrar a aprendizaxe individual e colectiva.


Un total de 70 nenas e nenos con idades comprendidas entre os 3 e os 12 anos e que están a participar na Ocioteca de Verán do Concello de Burela veñen de realizar o programa “Fai clic ao teu bocata”, creado pola Consellería do Mar.

Esta iniciativa foi deseñada co obxectivo de facilitar o coñecemento e consumo de produtos en conserva do mar de Galicia entre as crianzas da nosa comunidade, e tamén co fin de incidir e equilibrar as súas dietas alimentarias.

A Ocioteca de Verán foi o espazo onde os pequenos participaron do programa, recibindo unha pequena explicación sobre a importancia de consumir peixe e produtos do mar como mínimo unhas 3 ou 4 veces por semana. Nesa primeira parte explicativa púxose de relevo a alimentación sana e equilibrada, conxugando a teoría con varios xogos para integrar a aprendizaxe individual e colectiva.

Ao remate da sesión puideron degustar uns deliciosos bocatas de leituga, queixo, tomate e sardiñas en lata, compartindo entre eles o sabor destes produtos que a programa quere enxalzar. Finalmente, todas as nenas e nenos recibiron uns agasallos identificativos desta campaña.

RESPOSTAR

Please enter your comment!
Please enter your name here