A Feira do Bonito de Burela, que se celebrará os días 5, 6 e 7 de agosto, e que converterá este municipio no “epicentro” da Mariña de Lugo durante esa semana, repartirá máis de 3.500 quilos.

O alcalde de Burela, Alfredo Llano, expuxo que esta festa “xa se necesitaba porque desde o ano 2019 non se fixo unha feira do bonito como corresponde” pola pandemia.

Llano aproveitou para “convidar todo o mundo” a acudir a Burela ese fin de semana. Ademais, puxo o foco en que é a primeira vez “que se celebra a feira do bonito co distintivo de Feira de Interese Turístico Nacional”.

“Cremos que os tres eventos, a feira propiamente dita, o Produart ou o Amarte, que é unha exposición de pintura internacional, van convertir Burela no epicentro da Mariña os días 5, 6 e 7 de agosto”, sentenciou.

“Hai que explicar ben cal é o funcionamento de Burela, que pasa por ter unha pesca sustentable, como se fai a pesca respectando a especie, como se traslada ao porto. A boa calidade que é garantía do bo facer dos nosos pescadores”, ha garanto.

Finalmente, o alcalde de Burela estimou que se disporán de “máis de 3.500 quilos” de bonito para ese fin de semana, que se prepararán de varias maneiras: “cocido, en marmitako ou en empanada”.

Serán 120 as persoas voluntarias que van colaborar na organización desta nova edición da Feira do Bonito de Burela, con motivo co paso do ecuador da costeira deste ano.