Xa están á venda as entradas para o musical La gran aventura de los Reyes Magos, que chegará a Burela o 29 de decembro, segundo anunciou esta mañá o concelleiro de Cultura, José Díaz.
O edil burelés dixo: “desde a Delegación de Cultura do Concello de Burela queremos anunciar que imos ter un musical o 29 de decembro, en plenas datas do Nadal. Titúlase La Gran Aventura de los Reyes Magos, da Gran Belleza Producciones, que xa nos trouxeron aquí outros musicais, por exemplo o de Coco, que tanta calidade e tan boa acollida tiveron. Así que estamos seguros de que este tamén terá esa calidade que tanto valoramos en todos os eventos que celebramos no auditorio de Burela”.
Díaz explicou que ““están as entradas xa á venda. Nos grupos de whatsapp de Cultura e tamén no facebook da Delegación de Cultura hai ligazóns e información sobre este evento. Xa se poden comprar as entradas para asistir a un musical que estamos seguros de que gustará. Ademais aposta polo tradicional neste sentido cultural, como é o caso dos Reis Magos, en contraste con Papá Noel. Sabemos que as dúas celebracións teñen boa acollida no noso país, pero os Reis Magos son o tradicional, o de sempre; e é tirar deles, no canto de moitos musicais que hai de temática Papá Noel buscar esa aposta polos Reis Magos e ensinarlles aos nenos cal é a tradición entre música e tamén risas”.
O concelleiro de Cultura engadiu que “os prezos das entradas son dez euros no anfiteatro e doce na platea”.