InicioCentralBurelaO PP de Burela apunta que "os veciños teñen que sufrir situacións...

O PP de Burela apunta que “os veciños teñen que sufrir situacións de inseguridade pola incapacidade do goberno local socialista”

O Grupo Municipal Popular de Burela defende desde comezos deste mandato: “a incorporación de efectivos suficientes na Policía Local de forma que poidan organizar unha quenda de noite que, polo seu efecto disuasorio, contribúa a evitar este tipo de situacións”.

Publicada o

- Advertisement -

Os populares de Burela condenan que “a incapacidade do goberno local socialista para contratar efectivos suficientes para o corpo de Policía Local de Burela supoña que os veciños e veciñas teñan que sufrir situacións de inseguridade viaria coma a que se daba na noite do pasado martes polo baleirado dun extintor no entorno da ponte da vía do tren. Tamén se levaron a cabo outros actos vandálicos que danaron varios coches aparcados no entorno da rúa Celso Emilio Ferreiro”.

Os populares fanse eco das queixas dos veciños e veciñas da vila que coinciden, neste caso, cunha demanda que o Grupo Municipal Popular defende dende comezos deste mandato: “a incorporación de efectivos suficientes na Policía Local de forma que poidan organizar unha quenda de noite que, polo seu efecto disuasorio, contribúa a evitar este tipo de situacións”.

Trala denuncia trasladada polo Grupo do Popular no último pleno, “o alcalde dignouse, por fin, a convocar dúas prazas de Policía Local; pero que, con total seguridade, non terán presenza efectiva nas nosas rúas ata finais do vindeiro verán”, explica o voceiro, Manuel Rouco.

BURELA MERECE OUTRO GOBERNO

Os populares pregúntanse “por que o goberno local socialista non é quen de tramitar en tempo e forma aquelas cuestións que son necesarias para a nosa vila e que, dende diferentes ámbitos, tamén dende a nosa formación, se lle reiteran día si e día tamén. Ante esta falta de xestión eficiente e eficaz, cremos que este non é o goberno que Burela merece”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...