As probas ás que se someteu o tripulante dun buque cargueiro chegado a Ribadeo e que tivo que ser derivado ao Hospital da Costa, en Burela, confirmaron que non se trata un caso de vexigas do mono.
Así o confirmaron a Europa Press fontes sanitarias, despois de que o mércores este mariñeiro fose trasladado en ambulancia ao centro sanitario cunha reacción cutánea da que sospeitaban que podía tratarse da enfermidade.
O cargueiro trátase do ‘June’, de bandeira de Palaos, e este xoves continúa no porto de Ribadeo, onde chegou tras solicitar o desembarco polo posible caso de vexigas do mono a bordo.
Anteriormente, o xoves 8 de decembro, estivera en Casabranca, tras pasar por outros portos en Grecia e Exipto.
