Un grupo de 14 alumnos do Senior Highschool de Shakopee (Minnesota) pasa quince días na Mariña grazas ao intercambio de alumnado que ten o IES de Foz con ese centro dende hai máis de vinte anos. En marzo foron eles os que acolleron ao noso alumnado.

Aloxados coas familias, asisten esta semana a clases no IES de Foz e participan das actividades de fin de curso. A vindeira semana aproveitarán para coñecer a Mariña, o martes irán a Santiago de Compostela e disfrutar dun curso de surf. 

Estos intercambios son moi estimulantes para o alumnado e axúdalles a mellorar as súas habilidades comunicativas. Convivir con familias españolas é unha boa experiencia para que coñezan as nosas tradicións e tamén a gastronomía.