Dúas persoas resultaron feridas e tiveron que ser evacuadas ao hospital tras sufrir un accidente con tres coches implicados en Foz.

Segundo informa o 112 Galicia, ocorreu na estrada que conecta Rapadoira e Llas sobre as 13,20 horas. Un dos implicados contactaba coa central de emerxencias para alertar do ocorrido e precisar que había outros dous vehículos implicados.

No operativo participaron Urxencias Sanitarias-061, que se encargou da evacuación en ambulancia ao hospital de Burela; así como a Garda Civil de Tráfico e a Policía Local de Foz. Así mesmo, informouse aos bombeiros de Barreiros, ao GES de Cervo e a Protección Civil.