Bombeiros sufocaron un incendio que este mércores queimou un palé con material prensado e un colector de lixo nunha nave industrial de Foz, segundo informa o 112.

En concreto, arderon unhas planchas de pladur, nunha nave de material de illamento situada na parroquia de San Martiño de Mondoñedo que non viu afectada a súa estrutura. Tampouco sufriron danos outros materiais ou vehículos presentes na instalación.

Ademais dos bombeiros, foron mobilizados efectivos do GES, Garda Civil e servizos sanitarios, por precaución. Tamén se deu aviso aos servizos ambientais da Xunta, pero os danos foron leves.