Axentes da xefatura provincial da Policía Autonómica en Lugo levaron a cabo un dispositivo de prevención de consumo de alcohol por menores de idade o 10 de agosto, no marco das festas patronais de San Lourenzo en Foz.

Como resultado das inspeccións identificouse a 50 persoas e levantáronse dez actas de infracción por consumo de alcol por parte de menores na vía pública.

O dispositivo, segundo informa a Consellería de Presidencia, enmárcase nas actuacións para velar polo cumprimento da Lei 11/2010, de 17 de decembro, de prevención do consumo de bebidas alcohólicas en menores de idade.

Tamén se efectúan intervencións preventivas nas concentracións da mocidade nas vías públicas, para controlar e evitar o consumo ilícito.