O IES de Foz celebra a vindeira semana a súa Semana Micolóxica. Do 6 ao 10 de novembro diferentes actividades e contidos, relacionadas co mundo dos cogomelos, terán como protagonistas ao alumnado de hostelería. O martes desprazaránse ao Campo do Oso na Pastoriza para recoller diversas especies, sendo posteriormente clasificadas na aula e expostas no centro.

A actividade estrela da semana é a degustación que se ofrece á comunidade educativa ás 14:30 do xoves, onde se poderán probar máis de vinte elaboracións, nas que en todas elas este froito do noso outono é o eixe central.