InicioCentralFozA basílica de San Martiño acollerá as xornadas sobre o Camiño do...

A basílica de San Martiño acollerá as xornadas sobre o Camiño do mar en Foz

O edil de Turismo, Chema Linares, anuncia tamén que “previamente ao inicio das charlas terá lugar a inauguración da ampliación da información e contido do Centro de Interpretación da Basílica de San Martiño".

Publicada o

- Advertisement -

Este xoves, día 30 de setembro, e o sábado, día 2 de outubro, celebraranse as primeiras xornadas San Martiño no Camiño, organizadas polo Concello de Foz. Serán ás oito da tarde no centro de interpretación da Basílica de San Martiño. Haberá aforo limitado polo que se roga reservar previamente no teléfono 982.14.00.27 extensión 3.

O primeiro día o historiador e recentemente nomeado cronista oficial de Foz, Xoan Ramón Fernández Pacios falará do Camiño do Mar, que “é unha nova vía de peregrinación xacobea, que sae de Ribadeo e percorre os concellos costeiros da provincia de Lugo e Coruña ata enlazar co Camiño Inglés”. Este estudo do propio historiador demostra a existencia dunha nova rede hospitalaria xunto ao citado camiño e a presenza continuada de peregrinos dende o século XVI ata finais do século XVIII, segundo o concelleiro de Turismo focense, Chema Linares.

O día 2 terá lugar a seguinte charla das xornadas, a cargo do profesor e historiador Javier Castiñeiras López, un estudoso do románico especialmente no ámbito galego. “Escoitaremos como os acontecementos políticos, relixiosos, territoriais e culturais que modificaron as vellas estruturas herdadas do período altomedieval viñeron establecer uns novos criterios decorativos dados en chamarse románico e destacaremos este binomio arte/reforma no exemplo galego e de San Martiño”, engade Chema Linares.

AMPLIACIÓN DO CENTRO DE INTERPRETACIÓN DA BASÍLICA

O edil de Turismo anuncia tamén que “previamente ao inicio das charlas terá lugar a inauguración da ampliación da información e contido do Centro de Interpretación da Basílica de San Martiño”. Serán catro paneis informativos que fan referencia a elementos de difícil exposición non antes sinalados e que, pola importancia que teñen amplificarán a visión dos visitantes da Basílica.

Os paneis están expostos nas salas do primeiro andar e na sala do Bispo, que estaban escasamente dotadas. Os primeiros fan referencia ás pinturas barrocas das capelas norte e sur, a seguinte aos canzorros interiores sobre a luxuria e aos exteriores da fachada sur, aos que non hai acceso, e na sala do Bispo un panel recolle as lendas máis coñecidas de San Gonzalo, como a do afundimento das naves normandas e a da Fonte da Zapata ou da Balea.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...