InicioCentralFozConstrución en Foz dun novo espazo para o colectivo de discapacitados intelectuais

Construción en Foz dun novo espazo para o colectivo de discapacitados intelectuais

A construción da edificación anexa á Aula de Seguridade Vial está financiada con fondos propios do Concello de Foz e foi adxudicada por un importe de 58.834,39 euros.

Publicada o

- Advertisement -

O Concello de Foz iniciou as obras de construción dunha nova edificación no peirao de Foz, anexa á Aula de Seguridade Vial. “Este novo espazo servirá para que a Asociación de Discapacitados Virxe do Carme teña as mellores instalacións para a gran labor que está a facer”, explica o alcalde, Fran Cajoto.

A concelleira de Asuntos Sociais, Ana Rojo, destaca a satisfacción das familias que atende a asociación: “aos talleres habituais poderán engadir o cultivo dun horto con diversas plantas e hortalizas nas zonas verdes deste espazo, unha maneira máis de afondar na integración que promove a súa mestra Carolina. E todo isto fronte á nosa ría, nun punto privilexiado”.

O rexedor municipal explica que “os traballos avanzan a bo ritmo. O próximo luns remataranse as cimentacións do edificio, anexo á Aula de Seguridade Vial. Estas obras son un compromiso adquirido e cumprido coa Asociación de Discapacitados Virxe do Carme e con todas as xubiladas e xubilados de Foz”.

A construción da edificación anexa á Aula de Seguridade Vial está financiada con fondos propios do Concello de Foz e foi adxudicada por un importe de 58.834,39 euros.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...