O cambio climático en Radio Foz, unha iniciativa de Onda ODS para concienciar sobre o clima desde o ámbito do local

O proxecto Onda ODS pretende desenvolver "unha estratexia de comunicación encamiñada a sensibilizar e divulgar entre a cidadanía estas propostas presentando iniciativas próximas que discorran nesa liña”.


A emisora municipal Radio Foz emitirá un programa de reflexión sobre o cambio climático desde unha perspectiva local. Trátase dunha iniciativa na que participan máis de 300 radios municipais e comunitarias de todo o estado. Chámase Onda ODS e comezará cun espazo en directo desde o castelo de Santa Cruz, en Oleiros, este xoves 15 de 9 a 11 da mañá. Un dos participantes será o concelleiro de Relacións Institucionais, Comunicación e Axenda 2030 de Foz, Carlos García.

Os promotores desta iniciativa explican que “este tempo de radio, conducido por Susana Falcón, de Radiofusión, e Pablo García, de Radio A Estrada, abordará diversos aspectos vinculados aos obxectivos recollidos pola ONU na súa Axenda 2030. Realizarase desde o castelo de Santa Cruz, que alberga o Centro de Extensión Universitaria e Divulgación Ambiental de Galicia (CEIDA)”.

Desde Radiofusión engaden que “os medios locais queren contribuír na liña marcada polos ODS entre outros facer fronte á emerxencia climática e ambiental, superar as ineficiencias dun sistema económico excesivamente concentrado ou revitalizar o noso medio rural e enfrontar o reto demográfico”.

O proxecto Onda ODS pretende desenvolver “unha estratexia de comunicación encamiñada a sensibilizar e divulgar entre a cidadanía estas propostas presentando iniciativas próximas que discorran nesa liña”.

RESPOSTAR

Please enter your comment!
Please enter your name here