Este domingo, 25 de setembro celebraremos o Día da Bici. Volveremos a gozar dunha xornada familiar na que pais e nais pasean en bici cos nenos e nenas. A concelleira de Xuventude e Deportes, Gema Méndez Leivas, presentou hoxe unha nova do Día da Bici.
A inscrición previa será obrigatoria e poderá realizarse mediante o correo electrónico: bici@concellodefoz.es ou a través dos perfís do Concello nas redes sociais (Facebook, Twitter e Instagram). Tan só deberán remitirse os seguintes datos ata o 24 de setembro: nome e apelidos, data de nacemento e teléfono.
A saída será ás 11:30h desde o parque infantil de tráfico, a onde voltaremos despois de dar un agradable paseo pola zona das praias. Ao finalizar o paseo sortearemos unha bici e outorgaremos os premios á bici mellor engalanada, mellor disfraz, máis novo e máis veterano. O uso do casco será obrigatorio.
A concelleira agradece a colaboración de Policía Local, Protección Civil, Club Ciclista e Motos Baltasar, sen os que non sería posible a celebración deste evento.
