A Garda Civil detivo tres persoas, entre elas un menor de idade, como supostos autores dun delito de roubo nunha empresa do municipio de Foz que se dedica á compravenda de vehículos, motores e calquera tipo de material en mal estado. O valor do subtraído está valorado en 18.000 euros.
Segundo indicou o Instituro Armado nun comunicado, os supostos autores subtraéronlle en varios días diverso material que tiña gardado na nave.
Desta forma, os axentes investigaron sobre as supostas persoas vinculadas e as vendas realizadas en despezamentos dedicados á compravenda de chatarra. Con isto, produciuse a identificación e detención dunha muller de 24 anos de idade e veciña de Lugo, que realizaba as vendas dos obxectos subtraídos.
Así mesmo, procederon á identificación e detención dun home de 27 anos de idade, tamén veciño de Lugo, que sería un dos autores materiais dos feitos e vinculado á propiedade do vehículo utilizado durante os delitos.
Ademais, detiveron a outro individuo, menor de idade, como presunto responsable dos feitos que se investigan. As persoas detidas, de orixe romanesa, foron postas a disposición xudicial, segundo constatou a Garda Civil.