Dúas persoas resultaron feridas este martes ao envorcar o vehículo no que viaxaban na localidade lucense de Lourenzá.

Segundo a información do CIAE 112 Galicia, o suceso ocorreu sobre as 13,30 horas e ata o lugar desprazáronse os Bombeiros de Barreiros, membros do GES da Pontenova, Garda Civil e membros de Protección Civil de Lourenzá, ademais de persoal sanitario do 061.

Xa no punto, os bombeiros informaban ao CIAE-112 de que particulares que se atopaban no lugar do accidente xa lle deron a volta ao vehículo, e ningún dos feridos tivo que ser excarcerado. Finalmente, dúas persoas tiveron que ser trasladadas ao centro hospitalario de referencia.