Como celebraron a caída do premio sobre o número que venden no seu establecemento?

Ben, realmente moi ben. Por aquí xa se achegaron todos os veciños que puideron porque algúns están traballando. Brindamos cunha copiña de champán, outros unha cervexa ou un viño, mais todo resultou moi ben.

-Por que compraron ese número en concreto?

Estou afiliado ao mesmo número desde hai trinta anos, á mesma administración. Xogamos co mesmo número en todos os sorteos, Nadal, Reis e semanalmente.

-Sempre o mesmo número?

Sempre, sempre co mesmo número desde hai máis de trinta anos.

-Cantas persoas foron agraciadas no seu arredor?

Moitas, moitas. Os veciños todos, mesmo empresarios, podo dicir que todo o mundo.

-Supoño que continuará co autoservizo como até o de agora, mais seguirá xogando co mesmo número?

Si, si, o número non o vou abandonar, iso desde logo. Sempre lle serei fiel a el e para a admnistración é un empuxiño para ela, pois non deu moitos premios até o de agora.

-Onde están vostedes situados exactamente?

En Santo Tomé de Lourenzá, un lugar no Concello de Lourenzá.

-Teñen xa preparada algunha celebración polo premio?

Si, pola noite xuntarémonos todos para celebralo.

-Desde logo agora o seu establecemento será recoñecido en moitas parte.

Si, abofé que lle vén moi ben este tipo de “publicidade”.