Lourenzá convoca o seu concurso de postais de Nadal que este ano estará dedicado a Francisco Fernández del Riego

O concelleiro de Cultura, Manuel Arango Ron, explica que “As bases completas serán repartidas no CEIP Juan Rey e tamén se poden consultar na Biblioteca Municipal”.

Lourenzá. TURISMO.GAL

O Concello de Lourenzá convoca o concurso de postais Nadal 2022, dirixido aos escolares de Infantil e Primaria do concello. O tema do concurso é O Nadal de Don Paco, en referencia ao escritor laurentino Francisco Fernández del Riego, ao que se lle dedicará o próximo Día das Letras Galegas.

O concelleiro de Cultura, Manuel Arango Ron, explica que “a técnica será libre e as obras deberán presentarse nunha cartolina A4. O prazo de entrega dos traballos remata o 16 de decembro. Establécese un primeiro premio, dotado con 75 euros e trofeo; e tres accésits, dotados con 25 euros e diploma. A postal gañadora será empregada polo Concello como felicitación de Nadal. As bases completas serán repartidas no CEIP Juan Rey e tamén se poden consultar na Biblioteca Municipal”. Desde a Concellería de Cultura agradecen de antemán a colaboración do colexio e da ANPA.

RESPOSTAR

Please enter your comment!
Please enter your name here