Efectivos da Garda Civil detiveron en Mondoñedo a un home ao que lle consta un requirimento europeo de detención e entrega, procedente das autoridades de Romanía. Segundo informaron fontes da Comandancia, a detención produciuse no centro urbano de Mondoñedo, cando unha dotación identificou a esta persoa viaxando como acompañante a bordo dun turismo.

Como o home non levaba documentos encima, foi trasladado a dependencias policiais para a súa filiación, xunto coa condutora do vehículo, unha veciña da Pontenova, que nunca obtivo un permiso de circulación válido, e contra a que se instruíron dilixencias por un presunto delito contra a seguridade.

Ao comprobar a identidade do home, a Garda Civil constatou que ten un requirimento en vigor, e foi posto a disposición do xulgado central de Instrución 5 da Audiencia Nacional.