Un condutor resultou ferido este mércores nun accidente de tráfico rexistrado no municipio lucense de Mondoñedo, despois de saír da vía.

Un dos alertante que contactou co 112 Galicia pasados uns minutos das 13.00 horas para informar deste accidente. Na súa chamada, indicaba que se trataba dunha saída de vía dunha furgoneta que circulaba pola N-634, pola parte de atrás da Igrexa dos Remedios, que chocara contra un muro e envorcado.

Os xestores do 112 informaron da situación a Urxencias Sanitarias de Galicia-061, aos Bombeiros de Barreiros, á Policía Local e aos efectivos da Agrupación de Voluntarios de Protección Civil da localidade. Os servizos de emerxencias tiveron que liberar ao condutor, que quedara atrapado no vehículo. Posteriormente, foi trasladado en ambulancia a un centro hospitalario.