O escrutinio rematou en Alfoz, onde o PSOE subiu o porcentaxe de voto nun 11,66% para converterse na forza de maior respaldo electoral, con 476 votos (o 43,16%).
O PP cae de 536 a 385 apoios; pasa dun 48,38% dos sufraxios no 2016 a obter o respaldo do 34,90% do electorado no municipio.
As dúas forzas políticas tradicionais superan amplamente á terceira forza política, Ciudadanos, que suma 67 votos (6,07%). Unidas Podemos saca 62 sufraxios, o 5,62% do escrutinio, por 56 do BNG (5,08%). Vox obtén 24 apoios. En Marea recibe cinco apoios.
A participación subiu do 69,63% en 2016 ao 73,48% neste 2019. Votaron en Alfoz 1.136 persoas.
MONDOÑEDO
En Mondoñedo, o PP resiste como a lista máis votada, con 924 sufraxios (42,74%). No 2016 sumara 1.073 apoios, o 49,7%.
O PSOE confirma un crecemento menor que noutros concellos, de 502 votos no 2016 (23,25%) a 643 nestas eleccións xerais, o 29,74% do voto escrutado.
Podemos suma 174 votos, algo máis do oito por cento, mentres que o BNG quita 132 (6,11%). Ciudadanos e Vox obteñen idéntico resultado, con 94 sufraxios, o 4,35%. En Marea suma 50 respaldos, o 2,31%.
A participación subiu máis de catro puntos en Mondoñedo, do 66,34% nos anteriores comicios xerais ao 70,49% nos actuais.
BARREIROS
En Barreiros, o PP é a forza máis votada, con 640 votos, aínda que perde 282 sufraxios con respecto ao 2016, cando quitou o 50,77% das papeletas. O seu respaldo neste 2019 cae ao 34,26%.
O PSOE saca 530 votos, que supoñen un 28,37% do total. En 2016, os socialistas obtiveran 339 apoios electorais, o 18,67%. Tamén aumenta o seu respaldo o BNG, que obtén 221 sufraxios, o 11,83%, fronte aos 146 de 2016, o 8,04%.
Unidas Podemos obtivo o apoio de 176 electores, o que supón o 9,42% do total. Ciudadanos suma 121 sufraxios, o 6,41%, e Vox un total de 113, por riba do seis por cento. En Marea suma 11 votos.
