Cen anos non se cumpren todos os días, pero chegar xa aos 103 é todo unha proeza. Pois a esa idade acaba de chegar a veciña de Mondoñedo, Alicia Lombán Otero, que os celebraba este mércores na compaña da súa familia.

Alicia recoñece que nunca pensou “chegar” a esta idade, a pesar de que na súa familia houbo outras persoas moi lonxevas, como a súa “prima Aurora” que “viviu até os 110 anos”.

A sua receita para chegar a esta idade é “coidarse” e renunciar a comer “carne de porco”, a pesar de que lle gustaba moito”, tal é como dixo en declaracións á Cadena Cope. Non come tampouco “doces”, neste caso por que non lle gustan”.

Ademais, procura manterse activa e fai exercicio con axuda “dunha máquina” que usa para “mover as pernas”. Tamén destaca que a súa familia a coida “moi ben”. Na xornada, con motivo do seu aniversario, recibiu a visita institucional do alcalde mindoniense, Manuel Otero.