Un home de 33 anos de idade resultou ferido e foi excarcerado este mércores despois de saírse da vía o turismo no que viaxaba ao seu paso polo concello de Mondoñedo.
Segundo informou o 112 Galica, a persoa afectada saíuse de vía mentres circulaba pola estrada LU-P-3107, que une as localidades de Guillade e San Andrés, e necesitou axuda posto que estaba atrapada no interior do vehículo.
Así o indicou a persoa que chamou ao 112 Galicia ás 6,00 horas deste mércores para avisar dos feitos. Tras iso, foron alertados os Bombeiros de Barreiros, que acudiron ao lugar do accidente e fixeron uso do material de excarceración para liberar ao ferido.
Ata o punto tamén se desprazaron os axentes da Garda Civil de Tráfico e efectivos de Protección Civil de Mondoñedo. Unha vez finalizadas os labores de excarceración, a persoa foi evacuada por Urxencias Sanitarias de Galicia-061 a un centro sanitario.
En concreto, o 061 enviou unha ambulancia de soporte vital básico e outra de soporte vital avanzado, que levou ao Hospital Público da Mariña ao home ferido, J.L.G.C., de 33 anos, confirmaron a Europa Press fontes sanitarias.