Mariña Patrimonio organiza unha visita ao legado “precristián á fertilidade” no Valadouro

Aínda que a data límite para apuntarse remata o martes 27 de setembro, cómpre facelo canto antes para facilitar a organización da actividade.


Mariña Patrimonio organiza para o próximo sábado día 1 de outubro unha visita polo patrimonio do Valadouro, que terá como fío condutor os cultos precristiáns á fertilidade. Nesta saída contaremos coa colaboración do dramaturgo Xesús Pisón, que fará de guía durante todo o percorrido. Está previsto visitar, en xornada de mañá, a Igrexa de Santa Cruz, a Igrexa de Bacoi e o Pazo de Carrocide (Lagoa) e, en xornada de tarde, a capela de Santa Filomena (O Cadramón) e a Pedra Abaladoira (O Pereiro).

Aínda que a data límite para apuntarse remata o martes 27 de setembro, cómpre facelo canto antes para facilitar a organización da actividade, tendo en conta que hai un límite de participantes e terán prioridade aqueles que antes o comuniquen. Para máis información e coñecer os detalles desta visita ao Valadouro, pódese consultar o blog de Mariña Patrimonio http://mrpatrimonio.blogspot.com

RESPOSTAR

Please enter your comment!
Please enter your name here