O Resurrection Fest Estrela Galicia anunciou este luns que a banda de metalcore australiana Parkway Drive é o cuarto gran cabeza de cartel para a súa edición de 2023, que terá lugar en Viveiro entre o 28 de xuño e o 1 de xullo.

A organización resaltou nun comunicado que este grupo, que xa pasou polo festival na edición de 2019, que se trata de “un dos espectáculos de música en directo máis grandes en todo o mundo”.

Deste xeito, lembrou que os outros tres grupos anunciados que completan as cabezas de cartel son Slipknot, Ghost e Pantera, un concerto que definiron como “exclusivo na península”.

Así, o festival indicou que este martes dará a coñecer máis bandas confirmadas e a división por días. Ademais, as entradas por un día saen á venda este xoves ás 12 horas na súa páxina web.