A Comparsa Alfoz-Valadouro inaugura, este xoves na casa da Cultura de Alfoz, unha exposición temática sobre a súa traxectoria no entroido.
Asemade, a exposición estará complementada cun taboleiro aberto para aportacións fotográficas e receitas culinarias aportadas polos nosos maiores e relativas ó entroido, todos os veciños que queiran compartir as súas fotos ou receitas tamén poderán facelo.
Por outro lado, contarase con doces de entroido e unha chocolatada gratuita para todos aqueles que se acheguen a inauguración da exposición.
