O Concello de Ribadeo abriu o prazo de inscrición para participar no obradoiro de arrolos que se celebrará o vindeiro 27 de xaneiro.
A cantautora focega Ugía Pedreira dirixirá a actividade, incluída no proxecto Apego que desenvolve o goberno local ribadense. O taller está pensado para crianzas de 0 a 3 anos.
O obradoiro comezará ás 17.30 horas no Teatro e terá unha duración de dúas horas.
O número de prazas é limitado para 20 bebés e con cada un deles poderá asistir unha persoa adulta. Como noutras ocasións, o grupo estará no escenario e poderá haber persoas no patio de butacas.
INSCRICIÓNS
Os interesados poden inscribirse na dirección de enderezo electrónico cultura@ribadeo.org. O prezo por participante é de tres euros.
