InicioCulturaBlas Cantó actuará en acústico nas Quendas de Mondoñedo o 30 de...

Blas Cantó actuará en acústico nas Quendas de Mondoñedo o 30 de abril

As feiras e festas de celebraranse do 29 de abril ao 1 de maio, que será o día grande

Publicada o

- Advertisement -

O músico murciano Blas Cantó, ex do grupo Auryn, ofrecerá un concerto acústico dentro da programación das Feiras e Festas das Quendas de Mondoñedo. A actuación será o martes 30 de abril, a partir das 22.00 horas no auditorio Pascual Veiga.

Co grupo Auryn, Cantó acadou desde 2011 todos os récords de ventas en España e tamén gozou de gran éxito en Latinoamérica. Cada concerto e firma de discos de Auryn amosaban cheos absolutos.

Xa en solitario, obtivo discos de Ouro e Platino co seu single, ‘El no soy yo, sinxelo que foi número un da lista de Los 40 Principales. A finais do pasado mes de setembro, publicou o álbum de estudio ‘Complicado’, que en tan só unha semana da súa estrea, conseguiu o primeiro posto na lista oficial de ventas de España.

Cantó tamén é popular por resultar gañador da quinta edición do concurso de televisiónTu cara me suena‘.

“IMPULSO TURÍSTICO”

As Quendas celebraranse entre o 29 de abril e o 1 de maio. Dende a Asociación As San Lucas, entidade organizadora, resaltan que “o cabalo será de novo protagonista do día grande, o 1”, aínda que haberá “outras iniciativas culturais e artísticas”. A primeira anunciada, o concerto de Cantó.

O presidente do colectivo, Miguel Souto, considera que este concerto “tamén é un bo medio de promoción da nosa cidade, xa que o turismo é un dos activos de Mondoñedo e así as San Lucas e As Quendas son fundamentais para a nosa economía local”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...