A asociación cultural A Pomba do Arco organiza este xoves, desde as 20.30 horas no Cenima de Foz, a presentación do libro ‘O teatro de Manuel María‘.
Participarán no acto Pilar García Negro, autora da edición da obra, e Alberte Ansede, secretario da Fundación Manuel María, entidade promotora da publicación.
O volume recolle 33 pezas da autoría de Manuel María, entre elas o ‘Auto do alugado ou de Raboces‘, peza que dramatiza unha vella lenda de Nois.
FEITA A PETICIÓN DOS VECIÑOS
Elaborada a petición dos veciños, a obra foi representada en 2002 polo grupo de teatro O Coto de Faro con motivo dunhas festas patronais.
A asociación cultural A Pomba do Arco convida a participar deste acto que tamén pretende ser unha xornada de homenaxe e lembranza ao escritor chairego.