InicioCulturaA Ópera Nacional de Moldavia recreará 'Carmen' en Burela o 30 de...

A Ópera Nacional de Moldavia recreará ‘Carmen’ en Burela o 30 de marzo

A localidade mariñá acollerá unha das dez representacións en España do clásico do repertorio operístico

Publicada o

- Advertisement -

Burela acollerá o vindeiro 30 de marzo unha das dez representacións en España da ópera ‘Carmen’, de Bizet.

A Ópera Nacional de Moldavia incluíu a localidade mariñá na súa xira de primavera, coa que levará este clásico do xénero a cidades como Vigo, Pontevedra, Ourense, Alicante, Murcia, Cuenca, Logroño, Valladolid e Salamanca.

Así, a ópera volve a Burela en primavera, despois da representación de ‘Madame Butterfly’, de Puccinino pasado outono.

As entradas sairán á venda o 25 de febreiro en ataquilla.com, a prezos que oscilarán entre os 12 e os 18 euros.

“PROGRAMACIÓN DE CALIDADE”

O concelleiro de Cultura, José Díaz,  amosouse “orgulloso” de contar coa actuación e explicou que “a resposta da xente do concello e do resto da comarca, que enche o auditorio” fixo doado “convencer” á compañía moldava para volver a Burela, onde xa estivo noutras tres ocasións.

O edil burelés indicou que, máis aló dun evento illado de calidade, o obxectivo do concello é “manter unha liña de programación constante”. Así, adiantou que traballa na posibilidade de “programar ópera non só en inverno, se non tamén en primavera“.

Díaz destacou que, ademais de “fortalecer o acceso á cultura”, estas representacións poñen Burela “no mapa”, atraendo novos visitantes co conseguinte beneficio para o comercio e a hostelería local.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...