InicioCulturaViveiro acollerá desde o 4 de maio unha mostra sobre o artista...

Viveiro acollerá desde o 4 de maio unha mostra sobre o artista viveirense Manuel Bujados

A exposición inclúe bosquexos, poemas ou cartas e fundaméntase no legado que a sobriña do artista entregou ao Museo Provincial en 2016

Publicada o

- Advertisement -

A sala de exposicións da biblioteca municipal de Viveiro acollerá o sábado 4 de maio a inauguración da exposición ‘Bujados: bosquexos, poemas e documentos‘.

A mostra, organizada pola Deputación, o Museo Provincial de Lugo e o Concello, fundaméntase no legado que María Luísa Blasco Bujados, sobriña do artista, entregou á pinacoteca en 2016.

Inclúe unha colección de apuntamentos, bosquexos e debuxos orixinais de Manuel Bujados (Viveiro, 1889 – Bell Ville, Arxentina, 1954), algúns deles mostra da súa colaboración en diversas publicacións, ademais de cadernos con textos manuscritos e ilustrados polo autor. Completa o legado un conxunto de recortes de prensa, cartas, documentos varios e catro debuxos realizados por outros autores pertencentes ao seu círculo de amizades.

COLECCIÓN INÉDITA

Trátase dunha colección inédita ata agora e de gran importancia para profundar no coñecemento da obra de Bujados, fundamentalmente no seu proceso creativo e na súa dedicación profesional á ilustración, pero tamén para valorar aspectos descoñecidos na súa vida e obra e achegarnos á personalidade deste singular e polifacético artista.

Este legado, xunto coa colección de Bujados que xa posuía o museo -parte dela exposta ao público na súa sala 24-, converten ao Museo Provincial en lugar de referencia para o estudo e goce da obra de Manuel Bujados e na institución con maior número de obras orixinais deste autor, que neste 2019 cumpriría 130 anos.

BIOGRAFÍA

O pintor e debuxante viveirense Arcadio Manuel Bujados Fernández emigrou a América sendo un neno.

Aínda que comezou a súa actividade artística publicando poesía, contos e novelas curtas, a súa gran calidade como debuxante foi descuberta polos críticos do momento e, en 1913, participou na exposición de artistas galegos organizada polo Centro Gallego de Madrid.

Bujados é o principal representante do modernismo sensual e foi comparado co debuxante británico Aubrey Bearsley (ilustrador das obras de Oscar Wilde), con Gustave Moureou, William Blake ou Gustave Klimt.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...