InicioCulturaAs festas patronais de Burela animan a primeira fin de semana de...

As festas patronais de Burela animan a primeira fin de semana de xuño

As alfombras florais, a procesión marítima ou as verbenas, coas mellores orquestras, darán brillo a unha fin de semana que tamén inclúe actividades en Viveiro, Ribadeo ou Ourol

Publicada o

- Advertisement -

O Xornal da Mariña repasa a axenda cultural e de ocio da primeira fin de semana de maio.

BURELA

Burela celebra as súas patronais. O sábado, a veciñanza elaborará desde a mañá as alfombras florais. A sesión vermú será ás 12.00 horas, e ás 21.00 comezará a misa cantada, coa posterior procesión de baixada ata o altar do porto. Ás 23.00 horas, Israel e Garibaldi amenizarán a verbena.

O domingo, a misa será ás 11.45 horas no porto, coa posterior procesión marítima, na que a Virxe do Carme irá no buque Sempre San Prudencio. A sesión vermú comezará ás 14.15, amenizada por Ritmo Joven, que repetirá de noite xunto a El Combo Dominicano.

O luns, desde as 12.00 horas, subiranse as imaxes de novo á igrexa. Trébol porá ritmo á sesión vermú e pola noite turnarase coa orquestra Panorama.

OUROL

A parroquia de Ambosores, en Ourol, celebra esta fin de semana, sábado e domingo, as festas da Ascensión.

Cartel da Ascensión en Ambosores. AXM

RIBADEO

O domingo (auditorio Hernán Naval, 20.00 horas), Ribadeo únese contra o cancro nunha gala benéfica na que haberá teatro, música ou danza.

Cartel da gala. AXM

 

VIVEIRO

O sábado presentarase o pasaporte da Ruta Subacuática da Expedición Cántabra, a primeira de Europa.

Imaxe da fragata Magdalena. AXM

Ás 10.00 horas será a presentación, no consistorio, para despois realizarse ata seis saídas ao pecio da fragata Magdalena desde as 12.00 ata as 17.00 horas. Participarán buzos de toda España.

Raquel Queizás presentará ‘Raposadas con Antonio’. AXM

Tamén o sábado, desde as 12.00 horas, proposta para crianzas: a biblioteca municipal acollerá unha sesión de contacontos con Raquel Queizás, sobre a figura de Antón Fraguas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...