O CEP Lois Tobío gañou o primeiro premio na categoría de primaria do Certame Internacional de Curtametraxes que organiza o Festival Educativo de Cine (Cinedfest).

O alumnado de quinto B, baixo a tutela da titora Magda Álvarez e con música de Bruno Álvarez, realizou a curta ‘Abre tu mente‘, que aborda temáticas como a diversidade e a inclusión. Aquí podes ver a obra completa.

MÁIS DE 500 OBRAS

O xurado profesional do certame de creación audiovisual valorou a historia, os planos, as localizacións, o guión ou a escaleta da curtametraxe. Case 550 pezas concorreron ao concurso. 

FELICITACIÓN DO CONCELLO

A alcaldesa en funcións, a socialista María Loureiro, asegurou que para o Concello de Viveiro “é unha honra que un centro educativo do noso municipio reciba este premio debendo destacar, ademais, a temática escollida. Consideramos que este tipo de accións son fundamentais para sensibilizar á sociedade sobre a diversidade funcional”, concluíu.