A Foliada da Mariña cumprirá o vindeiro sábado 22 de xuño catorce anos. A cita, que se celebrará na Praza do Concello de Xove, contará coa actuación de Tanto Nos ten como reclamo.
O programa comezará ás 19.00 horas, cun obradoiro de iniciación ao baile tradicional a cargo de Saíñas. Os interesados poden anotarse a través da páxina de Facebook do grupo.
A partir das 20.00 horas chegarán os concertos. O grupo de “música tradicional furtiva”, como eles mesmos se definen, Tanto Nos Ten dará un recital no que presentará o seu novo disco, ‘Cortando Fíos‘.
ACTUACIÓNS
Á Foliada acudiran diversos grupos procedentes de Burela, Grileiras e Banda de Gaitas Dambara; Cervo, Cordenaia; e As Pontes, Que nin Diole, ademais dos Cacharelas, Gaiteiros, Pandereteiras e Pandereteiros de Saíñas. Finalmente, a participación será aberta e todas as persoas están convidadas a cantar.
SITIO PARA CEAR
A carpa contará cunha taberna na que tamén se poderá cear: racións de callos, lacón asado, tortilla e bocadillos. Durante a noite haberá sorteos e moita música para bailar.
