EFE/JAVIER RAMOS. A histórica banda norteamericana de metal alternativo Slipknot será a gran protagonista este venres da segunda xornada da décimo cuarta edición do Resurrection Fest de Viveiro, ao que acoden por primeira vez tras ser -segundo a organización- a banda “máis pedida” polo público na historia do festival.
A saída ao escenario do grupo, cuxos membros se caracterizan por comparecer no público ataviados con máscaras macabras, está prevista para as once da noite se non median, tal e como aconteceu este xoves no concerto de Slayer, imprevistos meteorolóxicos que están a complicar o desenvolvemento dun Resu castigado con tormentas esporádicas.
Dacordo co repertorio que interpretaron ao longo da súa presente xira europea, que os traeu de volta a España tras unha ausencia de cerca dunha década, Slipknot abrirán o concerto con ‘For those about to rock‘, dos históricos AC/DC, soando nos altavoces, para acometer -a continuación- ‘People = shit‘.
O seu misántropo estilo será sen dúbida ben recibido por un público ávido da proposta extrema dos estadounidenses, que portan na súa discografía grandes éxitos como ‘Duality‘, ‘Psychosocial‘ e ‘Before I Forget‘, ademais de discos canónicos do seu xénero, como o titulado co seu propio nome.
Non obstante, malia a súa primacía no cartel, Slipknot non acapararán todo o protagonismo dun Resurrection Fest no que na noite do venres tamén haberá espacio para músicos de talla internacional como a banda británica de metal extremo con tintes góticos Cradle of Filth ou o grupo de hardcore punk de Boston, Converge, nunha xornada que pecharán no escenario principal do festival os españois Crisix, coñecidos polo seu agresivo trash metal.
TRIVIUM OU BROTHERS TILL WE DIE, TRIUNFADORES
Durante a tarde, grupos como Brothers Till We Die, While She Sleeps ou Serrabulho tiveron a oportunidade de brillar ante os miles de asistentes a un dos eventos de referencia da música metaleira e hardcore no sur de Europa; que poideron desfrutar nas últimas horas de sol grandes nomes do xénero como Trivium, Arch Enemy ou Avatar.
SÁBADO
O sábado será o día no que Within Temptation e King Diamond tomen o relevo para baixar o telón dun Resurrection Fest que aspira, por primeira vez na súa longa traxectoria, a superar os 100.000 espectadores no cómputo total dos seus catro días.
