“Nesta fábrica de Massó, me estou deixando a vida (…) / de tanto empacar sardiñas teño as manciñas perdidas”. As conserveiras, que cantaban fronte aos abusos dos patróns, tiñan todo un universo sonoro.
As mulleres das fábricas de conserva facían canción protesta, nin máis nin menos. Fronte ás inxustizas laborais, botaban poderosas coplas pola boca. Aquí vai o proceso de descuberta desta historia silenciada, da man do escritor Xurxo Souto. Este sábado estará en Cervo (bar cultural A Sacabeira, Sargadelos, 18.00 horas) presentando o seu libro ‘A gran travesía de Chiruca Macallás‘, facendo resoar estas coplas ata agora esquecidas.
Podes ler nesta ligazón de Galicia Confidencial a reportaxe completa de Uxía Iglesias sobre estas coplas e a obra de Souto.
